كتير مننا بيسوّق لمنتجه من خلال محله أو زملاؤه.. بس ميعرفش إن فيه حاجة اسمها القواعد الخمس للتفاوض..

احتراف فن تسويق العطور | بقلم: محمد علاء الدين

 

تسويق العطور

كتير مننا بيسوّق لمنتجه من خلال محله أو زملاؤه..

بس ميعرفش إن فيه حاجة اسمها القواعد الخمس للتفاوض..

بمعنى؟!

هقوللك أنا معنى دة إيه؟!

القواعد الخمس في فن التسويق

العرض والتقديم

لازم تكسر الحاجز النفسي بينك وبين عميلك..

ترحّب بيه كويس، وتقول أي عبارة مُختَصَرة تحسّسه إنه في مكانه، وبعدين تبدأ تعرّف مُنتَجَك ليه، وتتكلم عن أكتر حاجة بتميّزه إيه!

الإقناع والتأثير

دي بقى لازم تعرّف العميل كويس جدا على المنافع اللي هيحصل عليها بعد شراء منتجك؛ أيا كانت ماهية المنتج دة.. يعني أنا كفني عطور، هقول له مثلا إن العطر دة هيخلي أي حد يعدي جنبك يسألك إيه هو؟!

الاستماع لعميلك جيدا

إيموشن وشك وانت واقف مع عميلك لازم يوصّل له إنك بتسمعه وبتصغي ليه جيدا، ومتقاطعوش أبدا غير بعد استئذانه وعند الضرورة، ودايما تقاطعه بابتسامة.

أسلوب التحاور

الرد على الاعتراضات بشياكة، مش تقول كلمة (لأ) كدة مُجرَّدة.. اتّبع مبدأ

(نعم، ولكن)، وادعم دايما كلامك ببراهين مؤكدة، وخليك ريلاكس جدا.

الإغلاق البيعي

أهم نقطة دي..

وانت بتخلّص خالص مع العميل، لازم تكرّر المُميزات والمنافع اللي هتعود عليه من المنتج، ومتنساش الابتسامة.

في تدوينة جاية بأمر الله؛ هنتكلم عن التسويق المباشر مع العملاء..

استنونا.

اقرأ أيضا: شركات عملاقة مسئولة عن صناعة الزيوت للعطور العالمية