فكرة التسويق بتتكون من أربع أركان أساسية؛ المفروض إنها تكون في أي مؤسسة أو علامة تجارية علشان تحقَّق مستوى مبيعات كويس

مزيج التسويق (Marketing Mix) | تبسيط بقلم: محمد علاء الدين

 

مزيج التسويق

فيه 4 عناصر بيتكون منهم مزيج التسويق للعطور (أو التسويق لأي منتج آخر)..

هي فكرة التسويق بتتكون من أربع أركان أساسية؛ المفروض إنها تكون في أي مؤسسة أو علامة تجارية علشان تحقَّق مستوى مبيعات كويس..

المكونات الأربعة بتبدأ بحرف (P).. علشان كدة ظهر المصطلح (4Ps).

 

المُنتج Product

ودة محتواه القصير علشان الشرح ميطولش:

تصميم المنتج

جَوْدة المنتج - من شكل ولون وحجم.

طبعا لو عندك منتج رديء، أو هتشتغل في الرديء؛ ملوش لزمة تظهره أو تبيعه؛ لأنه مش هينجح أو هييجي يوم ويفشل لما يظهر المنتج الأفضل أو الأحسن..

طبعا دة بيتم عن طريق دراسة السوق جيدا، والعميل اللي انت بتوجّه ليه منتجك.

 

السعر Price

حاليا؛ أنت لديك منتج مثالي وعالي الجودة..

هتسعَّره إزاي؟!!

طبعا التسعير دة أساس التسويق، وطبعا التسعير هيتم على حسب طبيعة المستهلكين وحجم الإنتاج، وضيف عليهم إيجار وكهربا وإلخ..

المطلوب منك ساعتها إن السعر والجودة يبقوا متكافئين.

 

المكان Place

طبعا المكان دلوقتي يجب اختياره بعناية جيدة جدا جدا..

رزقك هيجيلك هيجيلك.. بس لازم تحدد مكان أوتستهدف مكان تعرف تاكل فيه عيش..

ثانيا: المتاجر الإلكترونية كترت، فحاول تركِّز فيها كويس أوي.

 

الترويج Promotion

الإعلانات الترويجية على الميديا والتليفزيون ومواقع التواصل الاجتماعي.. طبعا كل دة مالوش أي لزمة من غير منتج مش جيد وسعره مناسب للعميل..

أرجو أن أكون وُفِّقت في الشرح المُبَسَّط دة.

اقرأ أيضا: احتراف فن تسويق العطور